Sterk saman
Sterk saman er spjallþáttur þar sem fólk með reynslu kemur og segir söguna sína auk þess sem við fáum sérfræðinga og fagfólk í settið til okkar.
Episodes
#184 Edda Ósk
Edda Ósk lenti í klóm ofbeldismanns sem sýndi fyrst sína réttu hlið eftir að hún var orðin ólétt af dóttur þeirra. Síðan hafa liðið 12 ár af ofbeldi en hún lokaði á allt eftir að dóttir hennar var tekin með í fíkniefnaviðskipti í desember.
#183 Kara Guðmunds - þakklát fyrir sársaukann
Kara hefur lent í röðum áfalla sem hún hefur verið að vinna í síðustu ár. Áföllin eru stór og ná yfir mörg ár. Í dag er hún þakklát fyrir sársaukann og lærdóminn en hún hefur verið edrú í 11 ár.
#182 Fjögurra barna móðir flýr ofbeldi
Hún er 44 ára fjögurra barna móðir og hjúkrunarfræðingur sem segir okkur frá ofbeldissambandi sem braut hana niður, sneri börnum og barnaverndarkerfinu gegn henni og börnum hennar.
#181 Sindri Daði
Sindri Daði er 48 ára gamall faðir númer eitt, tvö og þrjú. Hann á stóra fortíð og sögu en frábært líf í dag.
#180 Ragna Guðrún
Ragna Guðrún er 23 ára stelpa með BS í sálfræði. Hún er barn alkóhólista og faðir hennar tók eigið líf árið 2018 eftir harða baráttu við sinn sjúkdóm.
#179 Ólafur Egilsson
Ólafur Egill Egilsson er þjóðþekktur fyrir sín verk innan kvikmyndageirans og leikhúsanna. Hann er aðstandandi og hefur skoðanir á málefninu. Hann segir okkur sína sögu.
# 178 Bjartur Hrafn Jóhannsson
Bjartur Hrafn er 26 ára strákur sem ólst upp við erfiðar aðstæður og í fósturkerfinu frá átta ára aldri. Hann leiddist ungur út í neyslu en kerfið brást á marga vegu.
#177 Björg Magnúsdóttir
Björg Magnúsdóttir er 41 árs oddviti Viðreisnar í Reykjavík. Hún er á slæmri íslensku no bullshit kona sem vill láta verkin tala, koma inn og stytta alla ferla og setja fólk í fyrsta sæti. Við áttum gott spjall.
#176 Dómurinn, ferlið, biðin og líðanin
Tinna segir frá þessu ferli sem dómsmálið hefur verið eftir líkamsárás árið 2022. Hvernig kerfið vinnur með gerendum og gegn þolendum. Margt nýtt sem ekki hefur verið sagt frá áður.
#175 Brynja Ýr Baugs
Brynja Ýr Baugsdóttir er móðir drengs sem aðeins 17 ára lenti í alvarlegu ofbeldissambandi með 18 ára stelpu. Hún vill opna umræðuna um að strákar og menn lendi líka í ofbeldi.
#174 Blanca
Blanca, eins og hún kallar sig, flutti frá Vestmannaeyjum sjö ára eftir áföll. Hún byrjaði að deyfa sig með áfengi og hassi aðeins tíu ára.
#173 Elín Auður Eyfjörð
Elín er 24 ára stelpa úr Garðabænum sem ólst upp við vanrækslu og andlegt ofbeldi. Hún þróaði snemma með sér fíknihegðun sem byrjaði með mat en endaði í áfengi og lyfjum eftir magaermisaðgerð.
#172 Ingibjörg Einars
Ingibjörg er móðir sem hefur gengið í gegnum margt. Hún fer ekki fögrum orðum um kerfið sem hefur brugðist henni og fimmtán ára syni hennar illa.
#171 Barbie
Barbie er 37 ára stelpa sem á stóra og átakanlega sögu frá því hún var skírð yfir kistu afa síns og til dagsins í dag.
#170 Nonni Lobo og týndu börnin
Nonni Lobo hefur verið óstöðvandi í að berjast fyrir týndu börnunum eftir andlát sonar síns á Stuðlum. Hann þekkir stöðuna betur en flestir.
#169 Þórdís Rögn
Þórdís Rögn Jónsdóttir hannaði og bjó til Bata - appið eftir að litli frændi hennar lést eftir ofskömmtun. Hún og samstarfsmenn hennar vinna í samstarfi við meðferðaraðila.
#168 Steinunn
Steinunn er 44 ára aðstandandi.
#167 Köllum hana Katarinu
Katarina kom þriggja ára til Íslands frá Rússlandi. Hún passaði ekki inn hjá jafnöldrum í skóla og upplifði höfnun. Kynntist manni frá Albaníu á Íslandi 18 ára og var í 8 ára ofbeldissambandi.
#166 Klara - móðir Anítu
Klara er móðir Anítu sem hefur setið inni á Hólmsheiði síðan í september en þá var hún í tíu vikur í einangrun. Klara segir sögu þeirra og einelti af hálfu lögreglu sem spannar sjö ár.
#165 Móðir sextán ára stúlku - ætla ekki að jarða hana!
Móðir sextán ára stúlku með fjölþættan vanda. Kerfið hefur brugðist, hún er komin í búsetuúrræði en hvað mun taka við?
#164 Karen Ösp Randversdóttir
Karen Ösp er 37 ára móðir, kennari og aðstandandi en bróðir hennar, Jón Einar, lést í október 2017 eftir langa baráttu við fíkn. Hún gefur okkur innsýn í líf aðstandandans og hans líf í baráttunni.
#163 Þung staða í samfélaginu!
Förum yfir stöðuna í samfélaginu, hrátt og eins og hún birtist okkur. Hún er ekki góð nú í lok nóvember.
#162 Steinunn Ósk Valsdóttir
Steinunn er 33 ára, þriggja barna móðir og samfélagsmiðladrottning í bata frá fíknisjúkdómi. Hún hefur sterkar skoðanir á normæliseringu áfengis í okkar samfélagi.
#161 María Erics og Suður-Afríka
María hefur barist við kerfið fyrir son sinn sem glímir við fíkn. Hún sendi hann í meðferð til Suður-Afríku sem var hvorki auðvelt fyrir hana né gerðu yfirvöld henni það auðvelt.
#160 Gerður - móðir Hjalta heitins
Gerður er móðir, eiginkona og leikskólakennari frá Akureyri. Hún segir sögu Hjalta sonar síns sem lést aðeins 22 ára að aldri eftir að kerfið hafði brugðist honum illa.
#159 Silja Björk
Silja er 33 ára, tveggja barna móðir sem hefur glímt við andleg veikindi frá unga aldri. Hún lenti í alvarlegu bílslysi á unglingsárum sem setti líf hennar og heilsu á hliðina. Hún nýtir sína erfiðu reynslu til góða í dag.
#158 Ester Soffía
Ester er 43 ára, tveggja drengja móðir með áfallasögu. Yngri sonur hennar var týndur í lífinu þegar hann flæktist í vef ofsatrúarmanna á netinu. Hann hefur verið heilaþveginn og það var fyrir um sex mánuðum þegar vinur hans féll fyrir eigin hendi sem hann bað um aðstoð.
#157 Vigdís Skagfjörð Sigurlínudóttir
Vigdís er fædd og uppalin í Noregi. Eftir brösótt unglingsár varð hún móðir sextán ára. Sonur hennar glímdi við fíkn og lést aðeins 22 ára, í febrúar 2022.
#156 Bragi Haukur
Bragi Haukur er 34 ára faðir á einhverfurófi í bata frá fíknivanda. Hann hefur átt í mikilli baráttu við barnavernd síðustu ár eftir að barnsmóðir hans varð bráðkvödd í júlí 2022.
#155 Steindór - STRAX í dag! Þetta er fólk, ekki tölur!
Steindór stofnaði nýlega samtökin STRAX í dag í minningu Bríetar Irmu og Almars, vina sinna sem féllu fyrir eigin hendi. Við viljum aðgerðir í geðheilbrigðismálum og kerfinu öllu, allt niður í litlu börnin.
#154 September byrjun
Hvað er um að vera í samfélaginu? Gulur september, minnihlutahópar, ofbeldi, kerfið og allt hitt.
#153 Eva María
Eva María er 22 ára stelpa sem þróaði með sér alkóhólisma í framhaldsskóla, hélt honum niðri en veiktist aftur eftir barnsburð, þá rétt tvítug.
#152 Áslaug Einarsdóttir
Áslaug Einarsdóttir er kona á besta aldri, hún er móðir sem hefur þurft að berjast mikið fyrir barninu sínu en komið að lokuðum dyrum í mörg ár. Hún er í bata frá fíkn eftir meðferð í Karabíska hafinu fyrir tveimur árum.
#151 Kara Guðmunds
Kara er 32 ára kokkur og boxari sem á stóra og mikla áfallasögu. Hún hefur verið í bata frá fíknivanda í mörg ár og unnið mikla og erfiða áfalla- og sjálfsvinnu undanfarin ár.
#150 Elísabet Long
Elísabet Long er 46 ára kona með 30 ára edrúmennsku. Hún hefur farið fyrir 12 spora starfi á Íslandi og var ein stofnanda Alano klúbbsins. Hún ólst upp við erfiðar aðstæður og hefur átt viðburðarríkt líf.
#149 Júlía Birgis
Júlía er 43 ára kona sem hefur sterkar skoðanir. Hún skrifaði meðal annars lokaritgerð í Hagfræði um það hvernig mætti spara peninga og hversu mikið það kostar okkur sem samfélag að framfylgja fíkniefnalöggjöfinni eftir.
#148 Eva Marý
Eva Marý er 28 ára stelpa úr Hafnarfirði sem hefur verið edrú og í bata frá fíknisjúkdómi í rúmlega ár. Hún hefur verið á svörtustu stöðum samfélagsing, flúði Konukot til að búa í tjaldi og upplifir nú frelsi í fyrsta skipti.
#147 Bergur Þór Jónsson
Bergur er 53 ára strákur sem hefur glímt við kvíða og þunglyndi frá unga aldri. 32 ára ætlaði hann að enda líf sitt en varð svo heppinn að ná að snúa lífi sínu upp í að elska sjálfan sig, með mikilli vinnu.
#146 Sólrún Freyja
Sólrún er ein af þeim sem brennur fyrir málstað jaðarsettra. Hún var í hópi þeirra sem gerðu þættina Óminni og Fólk eins og við.
#145 Sara Gabríela
Sara er 32 ára, tveggja barna móðir sem hefur upplifað ansi mörg áföll á sinni ævi. Hún flúði mjög erfiðan raunveruleika á unglingsárum í neyslu.
#144 Tinna - líkamsárás og ferlið
Ég, Tinna, lenti í líkamsárás í vinnu í mars 2022 sem setti líf mitt á hvolf. Eftir sjö ár af mikilli uppbyggingu var allt tekið frá mér. Ég fer yfir ferlið, kerfið og ýmislegt fleira.
#143 Móðir 16 ára drengs í neyslu
Týndu börnin eru of mörg á Íslandi og úrræðin nánast engin.Móðir 16 ára drengs sem hefur upplifað að kerfið hafi brugðist allt frá grunnskóla byrjun segir sögu þeirra.
#142 Maggi Gnúsari
Maggi Gnúsari er 36 ára úr Hafnarfirði. Hann ólst upp við mikinn alkóhólisma. Hann fékk heilablóðfall þriggja ára gamall og lifir með eftirköst þess. Hann á áfallasögu og segir frá lífi sínu í þættinum.
#141 Ingunn Ragna
Ingunn er 46 ára móðir sem á áfallasögu frá unglingsárum, hún lenti svo í tveimur bílslysum sem enduðu með miklum taugaskaða og verkjaástandi. Hún hefur undanfarin tvö ár leitað sér bata og stefnir á opnun heilsuseturs til að aðstoða aðra í sömu stöðu.
#140 Nonni Lobo - Saga Geira heitins
Geir kom til pabba síns og Kötu, sem gekk honum algjörlega í móðurstað, aðeins tveggja ára. Blóðmóðir hans lést. Hann var tengslaraskaður og 16 ára lenti hann í líkamsárás sem setti af stað varnarkerfið hans og leiddi til neyslu.
#139 Nonni Lobo
Nonni er magnaður maður sem á stóra sögu. Hann ólst upp við alkóhólisma, þróaði með sér fíkn, sat inni og var í mörg ár í undirheimum Íslands. Saga hans einkennist af áföllum, sorgum og sigrum.
#138 Þórdís Ísfeld
Þórdís er 56 ára móðir sem var alin upp við alkóhólisma og ofbeldi. Var misnotuð sem barn og lenti í miklu og grófu ofbeldi sem unglingur. Hún leitaði í áfengi en hefur verið edrú í 35 ár.
#137 Reykur
Svala kom að spjalla um nýja verkefni Matthildar samtakanna sem heitir Reykur. Við töluðum um margt neyslutengt og fleira.
#136 Viktor Smári
Viktor er 25 ára strákur sem hefur verið í bata frá fíknisjúkdómi í tvö ár. Hann þurfti nokkrar innlagnir og meðferðir til að meðtaka að hann þyrfti að stoppa neyslu alveg og taka ábyrgð.
#135 Gunnar Diego
Gunnar Diego er 38 ára, þriggja barna faðir sem hefur verið á flótta undan sjálfum sér nánast alla tíð. Hann var alinn upp við alkóhólisma og vanrækslu, lenti í einelti, leitaði í vímuefni og það er aðeins byrjunin.
#134 Lísa - Móðir Helga heitins
Lísa er sex barna móðir sem missti Helga, son sinn, fyrir tæpu ári síðan. Hann fékk sýkingu í hjartað vegna fíknar sinnar og lést á Landspítalanum. Hún er þakklát fyrir að hafa fengið tækifæri til að vera hjá honum og kveðja hann.
#133 Margrét Kjartansdóttir
Margrét er á 77. aldursári og hefur lifað viðburðaríku lífi. Lífið varð þó allt öðruvísi en hún ætlaði sér enda mörg áföll.
#132 "Annað hvort fellur þú og drepur þig eða mætir á námskeið"
33 ára gömul kona sem þróaði með sér fíkn eftir áföll á fullorðinsárum. Lenti í ofbeldissambandi og mætti miklum fordómum hjá lögreglu. Geðdeild var hennar síðasti kostur en þar mætti hún einnig fordómum og mjög vondu viðhorfi.
#131 Sigurrós - systir Gunnars heitins
Sigurrós segir sögu Gunnars heitins, bróður síns, sem lést á Betra líf þann 16. febrúar 2022. Hann fannst tveimur sólarhringum seinna en eigandi Betra lífs hafði neitað að opna herbergi hans fyrr en lykt fór að berast þaðan.
#130 Áslaug María
TW! Áslaug María er mögnuð móðir í Garðabænum sem á stóra sögu. Hún ólst upp við alkóhólisma, vanrækslu og mikið ofbeldi af öllum toga. Faðir hennar nauðgaði henni frá 5-14 ára.
#129 Atli Björnsson
Atli er 33 ára strákur úr Breiðholtinu. Hann er yngstur af fjórum bræðrum sem ólust upp hjá einstæðri móður. Hann leiddist út í neyslu og mikla paranoju. Batahúsið hefur bjargað lífi hans.
#128 Sigurrós Yrja
Sigurrós Yrja er 42 ár fjögurra barna móðir að norðan í bata frá fíknisjúkdómi og átröskun, sem hún byrjaði að þróa með sér aðeins 10 ára gömul. Mögnuð kona með einstaka nærveru.
#127 Dauðsföllin, syrgjendur og uppbygging barna
Eru það fordómar sem koma í veg fyrir að eitthvað róttækt sé gert í þessum málaflokki? Hvernig getum við byggt upp sterkari einstaklinga sem eru tilbúnari fyrir lífið?
#126 Sólveig Linnet
Sólveig er 26 ára stelpa úr Laugardalnum. Hún hefur verið í neyslu í 10 ár og farið í nokkrar meðferðir án árangurs. Hún er komin á endastöð, að eigin sögn og á leið til Danmerkur í meðferð í byrjun desember.
#125 Aþena Sól
Aþena er 23 ára lögfræðinemi sem á stóra sögu. Hún byrjaði ung í neyslu sem fór hratt niður á við með miklum og stórum áföllum.
#124 Ólafur Ingi
Ólafur Ingi er fimmtugur faðir númer eitt, tvö og þrjú. Hann á stóra sögu áfalla, sorga og sigra. Hann fann sína lausn innan al-anon samtakanna þegar hann var orðinn fullorðinn.
#123 Sigga
Sigga er eiginkona og móðir sem alin er upp í alkóhólískri fjölskyldu. Hún talar um hvernig fjölskyldumynstrið litar allt hennar líf og hvernig hún hefur náð að halda sér í bata og fjarlægð.
#122 Þórunn Þórs Jónsdóttir
Þórunn er ein af stofnendum Hampfélagsins, er með mikið ADHD og var hluti af síðustu kynslóð tossabekkja Hagaskóla. Hún veit allt um CBD og THC.
#121 Hulda Fríða Berndsen
Hulda Fríða er mögnuð, 73 ára eiginkona, móðir, amma, langamma og uppkomið barn alkóhólista sem giftist einnig alkóhólista, í fyrra skiptið. Hún á stóra og mikla sögu.
#119 "Ég mun aldrei treysta Konukoti aftur"
Börn sett í úrræði með hálf fullorðnum einstaklingum sem sitja í gæsluvarðhaldi. Er það vegna þess að litið er á fólk sem notar hugbreytandi efni sem annars flokks? Allt breytt til hins verra eftir að Rótin tók yfir Konukot og ýmislegt fleira.
#118 Begga pt.3
Berglind eða Begga hefur nú barist við kerfið í mörg ár en nú hefur sonur hennar, 11 ára, fengið greiningu eftir blóð, svita og tár.
#117 Gígja Skúladóttir
Gígja er fertug móðir, dóttir og eineggja tvíburi sem á stóra sögu. Hún er hugsjónakona og vill réttlæti og virðingu stjórnvalda hvað varðar Laugaland, meðal annars.
#116 Garibaldi
Garibaldi er 26 ára strákur úr Garðabænum sem fór ungur að sýna áhættuhegðun og endaði í mikilli morfín neyslu. Hann er í dag í bata frá vímuefnavanda og segir okkur söguna sína.
#115 Birna Ólafsdóttir
Birna er fjögurra barna móðir og amma og á mann í fangelsi. Hún á merkilega sögu og hafa viðhorf hennar og verkefni mikið breyst umtalsvert síðustu ár.
#114 Steindór ADHD pabbi
Steindór sem er þekktur sem ADHD pabbi á stóra sögu en hefur snúið lífi sínu við og aðstoðar nú fólk sem markþjálfi meðal annars.
#113 Erika Dorielle
Erika fæddist í Bandaríkjunum og var yfirgefin af móður sinni aðeins fjögurra ára gömul. Hún ólst upp við mikla vanrækslu og allt kerfið brást henni og bróður hennar.
#112 Berglind Viggós - móðir Ingva og Viggós
Berglind eða Linda eins og hún er kölluð hefur þurft að jarða tvo syni sína, Viggó Emil og Ingva Hrafn. Hún segir okkur söguna sína og þeirra.
#111 Ívar Örn Katrínarson
Ívar er 41 árs, sex barna faðir og tónlistarmaður sem nýfarinn er að skrifa bækur. Flestir þekkja hann sem annan helming hljómsveitarinnar Dr. Mister & Mr. Handsome. Hann hefur snúið lífi sínu við og gert upp fortíðina.
#110 Tinna segir sína sögu
Tinna skiptir um hlutverk í þessum þætti og fer yfir hluta af sinni sögu.
#109 Guðbjörg Ýr
Guðbjörg er 44 ára kona sem þekkti ekkert annað en að flýja vanlíðan. Henni var sagt að hún væri ljót og feit. Hún var send að heiman 12 ára gömul og leigði herbergi. Þessi magnaða kona segir söguna sína í þættinum.
#108 Andri Már
Andri Már er 34 ára faðir og verðandi eiginmaður sem á stóra sögu. Hann hefur verið í bata frá vímuefnavanda í 7 ár en áfallasaga hans byrjar í frumbernsku.
#107 Köllum hana Sigrúnu
Sigrún er 45 ára, fjögurra barna móðir utan að landi. Hún ólst upp við alkóhólisma og fátækt. Hún þróaði með sér alkóhólisma eftir hjáveituaðgerð eftir að hún átti sitt fjórða barn.
#106 Þegar allt kerfið bregst
Móðir sem barist hefur við kerfið með dóttur sinni, sem glímir við fjölþættan vanda. Hún segir barnavernd og BUGL hafa brugðist fjölskyldunni og segir sögu sína og þeirra í þættinum.
#105 Selma - Fangelsaðir foreldrar
Fyrrverandi lögreglumaður sem brennur fyrir málefni jaðarsettra. Skrifaði mastersritgerð um stuðning við fangelsaða foreldra eða skort þar á.
#104 Köllum hann Gunnar - batinn
Gunnar, sem er ekki hans rétta nafn, á risa stóra áfallasögu sem hann sagði frá í síðasta þætti. Í þessum þætti fer hann yfir bataferlið en hann varð edrú og fann lausn inni í fangelsi.
