Tengivagninn
Í Tengivagninum er fjallað um það helsta sem er að gerast í menningu í sumar. Þættirnir taka á ýmsum menningarviðburðum, listum og skemmtunum sem eiga sér stað á Íslandi. Hver þáttur kynnir áhugaverða viðburði og viðtöl við þátttakendur. Markmiðið er að halda hlustendum upplýstum um menningarlífið yfir sumartímann.
Episodes
Heyrðu mig, Jose Luis er Andervel, Anaxagóras og íslenskan
Við byrjum þáttinn á sagnfræðilegum fróðleik í boði Illuga Jökulssonar, sem segir okkur frá Anaxagórasi, fæddum 500 fyrir Krist, sem bjó til kenningar um meðal annars, sólmyrkva.
Svo er rætt við tónlistarmanninn Andervel. Nýlega kom út platan Ironclad and Palm trees. Bárujárn og pálmatré. Þetta er fyrsta plata tónlistarmannsins en titillinn er annars vegar vísun í bárujárnið sem klæðir húsin í R
Almyrkvi í beinni á Echolalia
Við verjum aðdraganda almyrkvans í hópi tónleikagesta á Echolalia, reivi og listahátíð á Víðistaðatúni í Hafnarfirði. Sólmyrkvahátíðin er skipulögð af Björk og er samstarf við Listasafn Íslands, en þar stendur uppi sýning á verkum hennar með sama nafni, og Smekkleysu, sem fagnar 40 ára afmæli á árinu.
Sólmyrkvinn var ekki sjáanlegur frá Víðistaðatúni, en við upplifum myrkrið, stystu nótt lífs ok
Örn Karlsson og Villistrákarnir, hinsegin kvikmyndir, bókameðmæli úr Grafarvogi
Í tilefni nýafstaðinna Hinsegin daga og Pride, verður hinseginleikinn þráður í þætti dagsins. Við erum með hugann við bókmenntir og kvikmyndir.
Við hefjum þáttinn á viðtali sem Kristján Guðjónsson tók við Örn Karlsson, myndlistamann og þýðanda. Þýðing Arnar á bókinni Villistrákar eftir William S. Burroughs kom nýverið út, en hún var áratugi í bígerð. Bókin segir frá dulrænum skæruher hömlulausra
Evrópa, yfirnáttúrulegir staðir, nýlendusaga í myndlist
Guðmundur Hálfdánarson, prófessor í sagnfræði, ræðir við okkur um Evrópu. Hvað er Evrópa? Hvenær varð hún til? Hvaða jarðvegur var til staðar fyrir stofnun Evrópusambandsins? Þó forn Grikkir hafi fyrstir gefið þessu landfræðilega og menningarlega afmarkaða svæði fyrstir nafn þá skoðum við söguna sem er nær okkur í tíma í leit að svörum.
Þórhildur Tinna Sigurðardóttir flytur pistil um tengsl Írla
Europe 2031, tomi g og feminísk þýðing á Ódysseifskviðu
Europe 2031 er skálduð sviðsmynd um framtíð Evrópu ef álfan breytir ekki um stefnu í gervigreindarmálum. Framtíðarsýn höfunda er svört. Evrópa verður vanmáttugur eftirbátur Bandaríkjanna og Kína og Evrópubúar ófærir um að verja gildi sín og viðhalda hinu evrópska velferðarkerfi. En er eitthvað til í þessari framtíðarsýn? Við ræðum málin við Halldóru Mogensen, sem á sæti í vísindanefnd Evrópusamban
Heimsókn til Maó og kattarins Kókos, Hinsegin dagar, Skálda, lestur
Maó Alheimsdóttir, skáld, leiðsögumaður, tungumálakennari og kattaeigandi, tekur á móti okkur og kynnir okkur fyrir kettinum sínum Kókos. Kókos er lítil og sæt læða, sem kann best við sig uppi á skáp. Stundum kíkir hún út í garð og leikur sér þar. Hún á sér nokkuð dramatíska upprunasögu, en hefur það ansi gott í dag.
Við fáum pistil frá Arndísi Þórarinsdóttur, að þessu sinni er hún að velta fyri
Megas jarðsunginn, írsk list og Meðan borgin blánar
Í dag, 30. júlí, er Magnús Þór Jónsson, jarðsunginn. Að því tilefni ætlum við að minnast hans. Við ræðum við Diddu skáldkonu um Megas, lífið og dauðann. Við ræðum við Jakub Stachowiak um nýja ljóðabók sem kom út hjá Forlaginu í síðustu viku og heitir Meðan borgin blánar. Þórhildur Tinna Sigurðardóttir, listfræðingur, sýningarstjóri og pistlahöfundur fjallar um samband írskrar og íslenskar listar.
Skriða á Patreksfirði, Barn í skólabíl á Flateyri
Pétur heimsækir Birtu Ósmann prentsmiðjuna og bókaútgáfuna Skriðu á Patreksfirði. Lóa ræðir við Harald Jónsson, myndlistarmann, um verkið Barn, sem var fyrst innsetning í leikskólanum Tjarnarborg í Reykjavík en hefur nú öðlast nýtt líf í gömlum skólabíl á Flateyri.
Hundalabb með Spessa, Bóksala Stúdenta og tíminn
Lóa hittir ljósmyndarann Spessa og hundinn Múskat í Laugardal. Pétur spjallar við bóksala um glæpasögur, rómantasíur og sumarlestur í Bóksölu Stúdenta. Arndís Þórarinsdóttir flytur pistil um tímann.
Ódysseifskviða, bútasaumsteppi í Hrísey, bókumbók og menningartengsl Írlands og Íslands
Í þætti dagsins förum við til Hríseyjar og ræðum við Dröfn Teitsdóttur, sem var að setja upp sýningu á bútasaumsteppum með myndum af fuglum. Við heimsækjum bókaverslunina Bókumbók í miðborg Reykjavíkur. Kolbeinn Rastrick rýnir í stórmynd Christophers Nolan, Ódysseifskviðu. Við heimsækjum bókabúðina Bókumbók í miðbæ Reykjavíkur og flytjum pistil eftir Þórhildi Tinnu Sigurðardóttur um menningartengs
Þýðandinn Larissa Kyzer, Hómer og hexameter, á rúntinum með borgarstjóra
Larissa Kyzer er bandarískur bókmenntafræðingur og þýðandi úr íslensku yfir á ensku. Hún hefur þýtt fjölda íslenskra skáldsagna, sem margar hverjar hafa hlotið góðar viðtökur, þar má nefna Merkingu eftir Fríðu Ísberg og Elínu, ýmislegt eftir Kristínu Eiríksdóttur. Við hringjum til Brooklyn og ræðum þýðingarvinnuna, hvers vegna hún kemur til Íslands, og erindi íslenskra bókmennta við hinn enskumæla
Kómedíuleikhúsið, hvaða lag fær þig til að dansa? Og Steven Spielberg
Elfar Logi Hannesson, leikari, rekur Kómedíuleikhúsið í Haukadal, ásamt Marsibil G. Kristjánsdóttur, listakonu, en þau eru einnig hjón. Elfar og Pétur Magnússon ræða leikhúsið, Act Alone, dýrfirskar draugasögur og nýlega endurvakið félag vestfirskra listamanna.
En sá félagsskapur fer stækkandi.
Kolbeinn Rastrick, kvikmyndafræðingur og gagnrýnandi, rekur upphafið að ferli Stevens Spielberg, en
Leitað að bílastæði, Íslandssaga, gervigreind og Skruggubúð
Í dag fer Magnús Sigurður Jónasson í bíltúr með Silju Sóleyju Birgisdóttur, borgarfulltrúa Sósíalistaflokksins, til að leita að bílastæði og ræða samgöngumál. Við fáum pistil frá Arndísi Þórarinsdóttur, þar sem hún fjallar um gervigreind. Við ræðum við Jón Kristin Einarsson, doktorsnema í sagnfræði, um nýtt hlaðvarp um sögu Íslands frá landnámi til bankahruns. Að lokum rifjum við upp umfjöllun um
K.Óla og ungurorri
Við tölum við tvo tónlistarmenn í þætti dagsins. Katrín Helga Ólafsdóttir kemur gjarnan fram undir listamannsnafninu K.Óla en hefur líka verið í hljómsveitum á borð við Milhouse og Arfa. Við heimsækjum stúdíóið hennar í Hafnarfirði í fyrri hluta þáttar.
Við fáum líka til okkar ungan rappara sem heitir Evald Orri Sæmundsen, kallaður ungurorri. Hann er 17 ára og var að gefa út sína fyrstu plötu.
Hundalabb með Kristínu Helgu Gunnarsdóttur og Garg
Í dag göngum við um Búrfellshraun með Kristínu Helgu Gunnarsdóttur og hundunum hennar, Bellu og Lottu. Við heimsækjum líka tvo bóksala í bókabúðinni Garg við Hofsvallagötu og ræðum sumarlestur.
Evrópsk hugmyndasaga, Ellefistar, Sagrada Familia
Henry Alexander Henrysson er gestur þáttarins í dag. Við ræðum við hann um hugmyndasögu Evrópu, hvað teljast sem evrópskar hugmyndir og eru sameiginlegir þræðir sem binda hugmyndir þessarar álfu saman?
Guðrúnu Úlfarsdóttur er tíminn hugleikinn, tímasjónarhornið, Gaudi og Sagrada Familia. Við fáum pistli frá henni um það.
Og svo heyrum við raddir frá síðustu öld. Ellefestar, fastakúnnar Ellefun
Íslenskur grínisti í New York og 17 ára tónsmiður
Í þætti dagsins setjumst við niður með Hrannari Björnssyni, sem skrifar sketsa og gerir grín í New York. Hann hélt uppistandssýningu í Reykjavík í síðustu viku og er núna á túr um Bandaríkin með sketsahópnum Tiny Idea. Við ræðum hversdaginn um New York, alternative-grínsenuna í borginni, sketsa, og handritaskrif.
Við ræðum líka við Láru Eggertsdóttur, sem er að hefja sitt lokaár í menntaskóla. Hú
Hundalabb með Ófeigi og Greifa, Kanínuholan mælir með...
Við höldum upp á Hólmsheiði, lausagöngusvæði fyrir hunda, og hittum þar Ófeig Sigurðsson rithöfund og skuggan hans, Greifa. Greifi er 7 og hálfs mánaðar gamall þýskur fjárhundur, sætur, loðinn og góður.
Í hundalabbinu á Hólmsheiðinni ræðum við samband manns og hunds, hvort hundar eigi að sofa uppí og hvort störf þýska fjárhundsins eigi eitthvað sameiginlegt með störfum rithöfundarins.
Í síðari
Ástin sem eftir er, sveppir, einleikir og Laxness í Hollywood
Í síðasta Tengivagni sumarsins ræðum við Hlyn Pálmason og Anton Mána Svansson um kvikmyndina Ástin sem eftir er, sem frumsýnd er í dag. Katla Ársælsdóttir rýnir í einleiki á Act alone-hátíðinni á Suðureyri, Kolbeinn Rastrick pælir í Hollywood-för Halldórs Laxness og Halla Harðardóttir fer í sveppamó.
Tónlist:
Ana Lua Caiano - Deixem O Morto Morrer
Charlotte Adigéry & Bois Pupul - Blenda
Dínamískt jafnvægi, stuttbuxur og Safnasafnið
Í dag heimsækjum heimsækjum við Þórbergssetur á Hala í Suðursveit og ræðum við Maríu Sjöfn, myndlistarmann, um samsýninguna Dínamískt jafnvægi. Sýningunni er fléttað inn í umhverfi Hala og aðrar sýningar í Þórbergssetri, einna helst fyrirferðamikla sýningu um líf og verk Þórbergs Þórðarsonar. Við fáum líka pistil frá Ásdísi Sól Ágústsdóttur um sumarið og sumarfatnað. Að lokum heyrum við frá heimsó
Pönkplata frá BKPM, Skaftfell og LungA-skólinn á Seyðisfirði, 100 ára afmæli Thors Vilhjámssonar
Meðlimir post-pönk hljómsveitarinnar BKPM segja frá sinni fyrstu hljómplötu, Bíddu ha? og ræða pönkið, hinsseginleikann og streymisveitur.
Við heimsækjum Skaftfell, myndlistarmiðstöð Seyðisfjarðar og LungA-skólann.
Synir Thors Vilhjálmssonar segja frá bókinni Og þaðan gengur sveinninn skáld sem gefin er út í tilefni af 100 ára afmæli höfundarins.
Maó Alheimsdóttir veltir fyrir sér hafinu bláa og
Úr fullkomnu samhengi, endurkoma Of Monsters and Men og Shakespeare í Tjarnarbíó
Í dag heimsækjum við sýningarrýmið Verksmiðjuna á Hjalteyri við Eyjafjörð, ræðum við Gústav Geir Bollason og skoðum sýninguna Úr fullkomnu samhengi með verkum Julie Tremble og tvíkeykisins Philippe-Aubert Gauthier og Tönyu St-Pierre.
Við bregðum okkur líka í Tjarnarbíó og spjöllum við tvo nýútskrifaða leikara sem setja upp leikrit eftir William Shakespeare í leikhúsinu.
Svo setjast hjá okkur Nan
Venus í Ásmundarsal og Flóra, Hringmyrkvi og söfnin á Húsavík
Bjartey Elín Hauksdóttir og Anna Guðrún Tómasdóttir segja frá danssýningunni Venus sem þær undirbúa og sýna í Ásmundarsal á næstunni.
Við heimsækjum sýningu byggða á dómi Guðmunds Sigurjónssonar glímukappa í Safnahúsinu á Húsavík, fáum leiðsögn um safnið og kynnumst starfsemi Flóru menningarhúss á Akureyri.
Helga Lára Þorsteinsdóttir fjallar um Hringmyrkva, listasýningu í Síldartönkunum á Raufar
GIV MÍ TYGGIGÚMMÍ, Ljóðaunnendur á Austurlandi og Steinunn Eldflaug Harðardóttir
Við heimsækjum tónlistarkonuna Steinunni Eldflaug Harðardóttur, sem einnig er þekkt sem DJ Flugvél og Geimskip, í hljóðver hennar á Grandanum.
Við ræðum við Magnús Stefánsson, formann félags ljóðaunnenda á Austurlandi um ljóðlistina og nýjustu útgáfur félagsins á austfirskum ljóðum.
Við lítum komum við á Korpúlfsstöðum í Mosfellsveit þar sem fyrsta einkasýning Ingibjargar Rannveigar Guðlaugsdóttu
Barbara Árnason á Gerðarsafni, Alicja Kwade í i8 gallerí og Ars Longa á Djúpavogi
Listin liggur heldur betur ekki í dvala á sumrin. Verk eftir Barböru Árnason eru sýnd á Gerðarsafni í Kópavogi. Melkorka Ólafsdóttir fjallar um þessa merkilegu listakonu og Pétur Magnússon ræðir við Brynju Sveinsdóttur, forstöðumann Gerðasafns.
Una Schram ræðir við pólsku listakonuna Alicju Kwade á i8 gallerý þar sem sýning hennar, Silent Archibionts, stendur yfir.
Við heimsækjum samtímasafnið A
Stuttmyndin Aldrei einn, Bláa kirkjan á Seyðisfirði, Bach í nýjum búning og Kómedíuleikhúsið
Í þætti dagsins förum í heimsókn í bláu kirkjuna á Seyðisfirði og heyrum í Elfu Hlín Sigrúnar Pétursdóttur sem segir frá tónleikum sem haldnir eru í kirkjunni í kvöld.
Kristján Guðjónsson forvitnast um nýjustu plötu nafna síns og píanóleikara Kristjáns Martinssonar, og Elfar Logi Hannesson segir okkur frá Kómedíuleikhúsinu og Act alone hátíðinni á Suðureyri.
Arngunnur Hinriksdóttir, Garðar Hinrk
Currents 10 ára og Svavarssafn á Höfn í Hornafirði
Við fögnum 10 ára afmæli plötunnar Currents eftir ástralska tónlistarmanninn Kevin Parker eða Tame Impala. Platan blandar saman ný-síkadelíu, rokki, poppi og fönki og er með yfir fimm milljarða spilana á Spotify. Una Schram ræðir við tónlistarfræðinga og helstu aðdáendur Tame Impala á Íslandi.
Birta Guðjónsdóttir starfar á nýlistasafni Svavars Guðnasonar á Höfn í Hornafirði. Hún ræðir við Pétur M
Myndleysa, áhrif Autechre og skáldskapur Þórdísar Helgadóttur
Í dag fjöllum við um Myndleysu sýningu ljósmyndarans Önnu Maggýar í Gallery Þulu, ræðum við raftónlistarþríeykið sideproject um raftónlistartvíeykið Autechre, setjumst niður með Þórdísi Helgadóttur rithöfundu og flytjum pistil eftir Ásdísi Sól Ágústsdóttur um Anthony Bourdain.
Svipmynd af Listasafninu á Akureyri, Þóra Sigurðardóttir, Margrét Jónsdóttir og ljóðasamkeppni Hinsegin daga
Tengivagninn er á Listasafninu á Akureyri í dag.
Þóra Sigurðardóttir vinnur með skúlptúra, vídjóverk, textíl og teikningar. Hún leiðir okkur um yfirgripsmikla sýningu sína, Tími - Rými - Efni.
Margrét Jónsdóttir keramík listamaður lítur yfir fjöutíu ára starfsferil með sýningunni Kimarek.
Sigríður Örvarsdóttir safnstjóri segir okkur hvað er á dagskrá safnsins það sem eftir er sumars.
Elín Elísabe
Jórunn Viðar, Marlene Dietrich og Allt sem ég vil segja þér
Söngleikurinn Þar lá mín leið er byggður á verkum Jórunnar Viðar. Þær Steinunn María Þormar og Ólína Ákadóttir segja okkur frá verkefninu sem er hluti af Skapandi sumarstörfum í Kópavogi og flytja lög úr sýningunni.
Sýningin Allt sem ég vil segja þér eftir listakvárin Sadie Cook og Jo Pawlowska í Listasafni Reykjavíkur.
Sigríður Ásta Olgeirsdóttir, bæjarlistamaður Borgarbyggðar, setur upp söngle
Erlendur Sveinsson og súrrealískir söngleikir
Erlendur Sveinsson segir frá fjölbreyttum ferli við kvikmynda- og tónlistarmyndbandagerð.
Kolbeinn Rastrick mælir með súrealískum söngleikjamyndum.
Lag í þætti:
3LNA - alles verlieren
Pínulítil bók, Eyjafjarðarsveit og Krautz á Seltjarnarnesi
Melkorka Ólafsdóttir fer í Dyngjuna og heimsækir Smámunasafnið í Eyjafjarðarsveit. Kristján Guðjónsson ræðir við Fríðu Þorkellsdóttur um nýútgefna og pínulitla bók. Kilian Briansson og Jónsi Hannesson segja frá gamanþáttaseríunni Krautz in Seltjarnarnes sem verður sýnd á RÚV í sumar, og Elín Elísabet Einarsdóttir flytur sinn þriðja pistil í Tengivagninum.
Tónlist flutt í þætti:
Stefán Elí & Óli
Vorverk í hAughúsi og listasumar á Akureyri
Í dag stoppum við í hAughúsi í Héraðsdal í Skagafirði og skoðum sýninguna Vorverk með listakonunum Þórdísi Öldu og Rúrí.
Við fræðumst líka um listasumar á Akureyri með aðstoð Jóns Hauks Unnarssonar, verkefnastjóra sumarhátíða hjá Akureyrarbæ, og Karólínu Baldvinsdóttur, sem stendur fyrir hátíðinni Karnivölu.
Ljóðaganga með Múkk, sumarópera, SÍM og Geislagarður
Kristján Guðjónsson tekur yfir seinni hluta Tengivagnsins í næstu viku. Þá verður spilað viðtal í fjórum hlutum við Jóhann Pál Árnason heimspeking og félagsfræðing. Hann kom og sagði frá seríunni.
Næstu helgi verður í fyrsta sinn sett á svið ópera á sumartónleikum í Skálholti. Við heyrum frá listrænum stjórnanda hátíðarinnar, Benedikti Kristjánssyni.
Helmingur ljóðagengisins Múkk heldur af stað
Hátíðir um land allt og Þjóðaróperan
Tengivagninn er á flakki um landið. Melkorka Ólafsdóttir fór á Siglufjörð og fræddi okkur um fjöllistahátíðina Frjó. Helga Lára Þorsteinsdóttir fjallar um Melrakkann á Raufarhöfn og Elín Elísabet heldur sýninguna Sækja heim í Glettu í Borgarfirði Eystri. Við kíkjum einnig á Borðeyri þar sem Hátíðni stóð yfir um helgina.
Kristján Guðjónsson er í höfuborginni og ræðir við Þórunni Sigurðardóttur um
Þorskar, Grænlendingar og Íslendingar á Hróarskeldu
Tengivagninn heyrir hljóðið í Íslendingum á tónlistarhátíðinni Hróarskjöldu í Danmörku.
Maó Alheimsdóttir gengur fjöll og fjallar um örnefni.
Listasafn Íslands sýnir Græna Landið eftir Inuk Silis Høegh, listamann og kvikmyndagerðarmann, og Sögufélagið gefur út bók Sumarliða Ísleifssonar um viðhorf umheimsins til Íslands og Grænlands.
Lagalisti:
Africa Express - Morals
FKA Twigs - Childlike T
Akademísk hrollvekja, ljóðaþýðingar og Þjóðlagahátíð á Sigló
Rachel Britton fluttist til Íslands frá New York fyrir fimm árum síðan og þýðir nú íslensk ljóð yfir á Ensku. Hún segir okkur frá starfi sínu sem þýðandi og áhuga hennar á íslenskri list.
Akademíska hrollvekjan Marginalía kom út á dögunum og ritlistarnemendur við Háskóla Íslands komu í Tengivagninn og sögðu okkur frá útgáfunni.
Melkorka Ólafsdóttir er stödd á Siglufirði og gefur hlustendum smjör
Kvenlæg keramiklistaverk og tónleikahald í Reykjavík og Köben
Hvernig er að halda tónleika í Reykjavík? En í Kaupmannahöfn?
Óli Dóri og Snorri Ástrásson hafa starfað sem tónleikaskipuleggjendur lengi. Við ræðum við þá um tónleikahald og annað tónlistartengt. Við kynnumst líka þremur tónlistarkonum sem eru nýsnúnar aftur heim eftir framhaldsnám í klassískri tónlist erlendis, og koma fram á tónleikaröðinni Velkomin heim. Við kíkjum einnig á myndlistarsýningun
Grindr-ljóð og hefðbundinn kveðskapur
Í þessum fyrsta þætti Tengivagnsins verðum við á bókmenntalegum nótum. Við förum meðal annars í bókarölt um miðborg Reykjavíkur í leit að sumarbókum, heimsækjum kvæðabarnafélag Laufásborgar og ræðum við listakvárið og skáldið Sindra „Sparkle“ Frey.
Tónlist úr þættinum
Amor Vincit Omnia - Rvk Amour.
Ríma - Kvæðamannafélagið í Fjallabyggð - Árin líða.
Olivia Dean - Nice To Each Other.
Fontaines D.C
Draumar, Klassíkin okkar og sumarlok
Í þætti dagsins ætlum við að kveðja sumarið, leggjast í umfangsmikla en kaotíska draumarannsókn og svo förum við á hundavaði yfir nokkur tónlistarstef sem koma fyrir í efniskránni á tónleikunum Klassíkin okkar, sjónvarpstónleikum Sinfóníuhljómsveitar Íslands og RÚV sem fara fram á föstudagskvöld kl. 8 í beinni útsendingu á RÚV. Bjarni Frímann Bjarnason hljómsveitarstjóri á tónleikunum kemur í hei
Gyðingar á faraldsfæti, Hamraborg festival og Ljósbrot
Bókin Gyðingar á faraldsfæti eftir Joseph Roth kom út hér á landi á dögunum. En sú bók kom upphaflega út fyrir rétt tæplega hundrað árum. Þar bregður höfundur upp mynd af hlutskipti gyðinga í austur-evrópu á fyrstu árum tuttugusta aldarinnar, en margir þeirra yfirgáfu heimkynni sín til að freista gæfunnar á fjarlægum slóðum. Þar mættu þeim hins vegar ólíkar aðstæður, tækifæri og aðlögun, en líka g
Djasshátíð Reykjavíkur 2024 - Bein útsending úr hljóðveri 12 í Efstaleiti
Bein útsending í byrjun Djasshátíðar Reykjavíkur 2024.
Umsjón: Pétur Grétarsson
Útvarpsdjasshljómsveitin:
Hilmar Jensson - gítar
Ingibjörg Elsa Turchi - bassi
Kristófer Rodriguez Svönuson - slagverk
Haukur Gröndal - klarinett
Kristjana Stefánsdóttir - söngur
Hljóðritun: Gísli Kjaran Kristjánsson
Í þættinum er rætt við meðlimi hljómsveitarinnar um djasstónlistina og þeirra eigin tónlist.
Tónlist
Menningarnótt
Á Laugardaginn kemur verður menningarnótt í Reykjavík og víða um borgina eru alls um 400 menningarviðburðir á boðstólnum. Kristján og Bjarni Daníel gera heiðarlega tilraun til að renna yfir þessa risavönu dagskrá og segja frá því helsta sem vakti athygli þeirra.
Queer Situations, Skálda, súrrealískar kvikmyndir og Anton Helgi
Í fyrri hluta þáttar heyrum við af bókmenntahátíðinni Queer Situations, en líka af glænýrri bókabúð í hjarta Reykjavíkur og fáum einnig pistil frá Nínu Þorbjörgu Árnadóttur, sem fjallar að þessu sinni um súrrealískar kvikmyndir.
Í seinni hluta tökum við á móti ljóðskáldinu Antoni Helga Jónssyni, sem fagnar nú hálfrar aldar höfundarafmæli og var að gefa út nýja bók af því tilefni. Hann tekur með s
Dacia Duster, stríðið um strendurnar, Feneyjar, heimsreisa Tengivagnsins
Ferðalög bæði innanlands og utan eru efst á baugi í þætti dagsins. Halla Harðardóttir segir frá mótmælum heimamanna í strandbæjum víða um Evrópu gegn ferðamannaiðnaðinum, og við veltum fyrir okkur einum vinsælasta bíl landsins um þessar mundir, Dusternum. Við fáum svo sendingu frá Feneyjum en Auður Mist Eydal Halldórsdóttir hefur dvalið þar undanfarið, og í seinni hluta þáttar förum við í litla he
Konukroppar, Venus: Búbblan, Jöklagrafreitur, vinningsljóð hinsegin daga
Næskomandi sunnudag mun Sundlaugin í Lundareykjadal breytast í leikhús, þegar verkið Konukroppar eftir sviðslistakonurnar Sigríði Ástu Olgeirsdóttur og Snædísi Lilju Ingadóttur verður frumflutt. Í lýsingu á viðburðinum segir að það sé „…óður til kvenlíkamans í öllu sínu veldi; fellingar, hrukkur, appelsínuhúð, gæsahúð, skvabb, mjúkar línur, beinaber svæði. Sambandið milli kropps og vatns er ranns
Stórval í i8, Hrói Höttur og Hringstiginn, Ryuichi Sakamoto og Dóra Júlía
Fjallið innra nefnist sýning á verkum Stefáns Jónssonar frá Möðrudal, Stórval, sem opnuð verður í i8 galleríi 15. Ágúst. Í þætti dagsins kemur Kristján Guðjónsson við í galleríinu og ræðir við Börk Arnarsson framkvæmdarstjóra og eiganda.
Kolbeinn Rastrick, kvikmynda- og sjónvarpsrýnir, hugar að þessu sinni að kvikmyndunum The Adventures of Robin Hood eða Ævintýri Hróa Hattar frá árinu 1938 og The
Murr, Nicolas Cage í Longlegs, Nietzsche í sjomlahorni
Á sýningunni Murr í Listasafni Reykjavíkur er velt upp spurningum um hvað fái listamenn til að vinna endurtekið að sama viðfangsefninu, oft með svipuðum hætti? Hvað fær listamenn til að setja sér reglur og fylgja þeim eftir í þaula, mánuð eftir mánuð, ár eftir ár eða jafnvel í áratugi? Ingunn Fjóla Ingþórsdóttir, sýningarstjóri Murr, ræðir við Höllu Harðardóttur um sýninguna.
Longlegs er fjórða
Erfið-leikar, undir áhrifum Alfreðs Flóka, ferðalög
Natka Klimowicz og Julie Sjöfn Gasiglia segja frá sýningunni Erfið-leikar sem þær, auk Polu Sutryk og Patty Spyrakos, opna í Gallerý Port við Hallgerðargötu á laugardaginn kemur. Í verkum sínum kanna listakonurnar fjórar stöðu sína sem innflytjendur á Íslandi, og samband sitt við íslenskuna.
Þórður Ingi Jónsson segir frá samsýningu sem opnar í Gallerý Á Milli í kvöld, þar sem fjöldi listamanna s
Heimtaug, Matthildur, Ási í Bæ, Páll Óskar og Skrattar
Í fyrri hluta Tengivagnsins munum við heyra af sýningu sem opnar í Svavarsafni um næstu helgi, fara aftur í tímann með Birni Th Björnssyni og Ása í Bæ og heyra af vímuefnaneyslu og skaðaminnkandi þjónustu á útihátíðum og innihátíðum, heyrum í Svölu Jóhannesdóttur, sérfræðingur í skaðaminnkun.
Í seinni hluta tengivagnsins tekur Bjarni Daníel á móti góðum gestum, þeim Páli Óskari og Sölva Magnússyn
Guitar Poetry, sálin í listinni, Guðrún frystihúsastúlka, Nesbær og SÚN
Í vor kom út platan Guitar Poetry úr smiðju Mikaels Mána Ásmundssonar. Á plötunni túlkar Mikael hráar og persónulegar tilfinningar einn með gítarinn að vopni. Stíll hans er ljóðrænn og er hann undir miklum áhrifum frá söngvaskáldum þó að tónlistin sé alfarið án texta.
Nína Þorbjörg Árnadóttir sendir okkur pistilinn, en að þessu sinni er hún að velta fyrir sér sálinni í list á tímum gervigreindar
Óm í Neskaupstað, hátíðahöld um verslunarmannahelgi
Verslunarmannahelgin er handan við hornið, og því margt um að vera víða um landið. Við tökum stöðuna á nokkrum af helstu tónlistar- og útihátíðum sem í boði eru þetta árið, en það eru Norðanpaunk, Útkall, Innipúkinn, Rokkhátíð og Samanfest.
Við setjumst niður með tónlistartvíeykinu Kötlu Heimisdóttur og Hauki Ingólfssyni í Beituskúrnum í Neskaupstað og ræðum verkið þeirra, Óm.
Krassoff, Dostojevskíj og Ingibjörg Magnadóttir
Við kynnumst Kristínu sem kallar sig Krassoff, hún er bæði tónlistarkona og dansari og er nýbúin að gefa út tvö lög.
Kíkt er ofan í kistu Ríkisútvarpsins og rifjum upp þátt Gunnars Þorra Péturssonar um Dostojevskíj frá árinu 1999, enda gætu Karamazov bræður verið hin fullkomna sumarfrís-lesning.
Ingibjörg Magnadóttir verður með okkur allan seinnihluta þáttarins, í samkvæmisleiknum er kenndur e
Gamli Staðarskáli, Chögma, rigning á G! Festival, Guðrún landvörður
Staðarskáli er Ísland, sagði skáldið, þar mætumst við óuppstillt á leið frá A til B, með kokteilsósu í munnvikunum og biksvart kaffi í ferðamáli. Á þessum forna skiptistað Landpóstanna hefur um langt skeið verið rekin bensínstöð og veitingasala, en eftir að þjóðvegurinn var færður lokaði gamli skálinn og nýr staður var opnaður í hans stað. Rakel Sigurðardóttir og Alexandra Mjöll Young mynda saman
Á leiðarenda, gunbla, The Stimming Pool
Við hittum Steinunni Gunnlaugsdóttur, myndlistakonu, fyrir framan gluggagalleríið í Bolholti 6. Þar stendur yfir sýningin Gunbla, og mun gera út sumarið. Gluggakistan er blá, og í henni standa hvítmálaðar kókflöskur í gleri. Á flöskurnar hafa orðin Nie og Wieder verið handmáluð.
Gréta Sigríður Einarsdóttir mætti á opnun sýningarinnar Á leiðarenda, sem er á listasafni Samúels í Selárdal. Þar sýna
Sigtryggur Baldursson, Shelley Duvall, Ars Longa
Bandaríska leikkonan Shelley Duvall lést 7. júlí síðastliðinn, 75 ára að aldri. Duvall reis upp á stjörnuhimininn á áttunda áratugnum þegar hún lék í nokkrum myndum í leikstjórn Robert Altman sem hún átti í farsælu samstarfi við lengi vel á ferli sínum. Þekktasta hlutverk Duvall er þó eflaust sem Wendy Torrance í kvikmynd Stanley Kubrick The Shining frá 1980. Ester Bíbí Ásgeirsdóttir kom í heimsók
Pönnukökuboð í Öræfum, G! Festival, Davidsson, Kevin Costner
Þorleifur Gaukur Davíðsson hefur komið víða við á sviði tónlistarinnar undanfarin ár, og er kannski einna þekktastur sem munnhörpuleikari Kaleo, þó einnig hafi hann spilað með fjölda íslenskra og erlendra tónlistarmanna. Fyrr á þessu ári hóf hann að gefa út eigin tónlist undir nafninu Davidsson, og er fyrsta sólóplata hans væntanleg á næstu mánuðum. Við hringjum til Reykhóla, þar sem Þorleifur er
LungA, heimsókn í Framnes, afskræming, fegurð og dauði
Tómas Ævar Ólafsson færir okkur sendingu frá Seyðisfirði, þaðan sem hann er staddur. Listahátíðin LungA er þar í fullum gangi þessa dagana með öllum sínum viðburðum og vinnusmiðjum og hápunkturinn, sjálf tónleikahátíðin, verður svo um helgina. En þetta verður í síðasta sinn sem LungA fer fram.
Lóa Björk Björnsdóttir hefur líka verið á ferð um Austurland, og í þætti dagsins heyrum við frá heimsókn
Óviljandi endurreisn, IceDocs og Rakel McMahon
Við fjöllum um hugtakið óviljandi endurreisn, accidental renaissance, sem varð til í upphafi samfélagsmiðlaaldarinnar. Það eru ljósmyndir sem fanga augnablik, oft í hversdagslegum aðstæðum, þar sem ljós og skuggar, hreyfing, tjáning og sjónarhorn raðast upp þannig að það minnir á málverk frá endurreisnartímanum. Við ætlum að ræða þetta fyrirbæri við Hallgerði Hallgrímsdóttur myndlistarmann og ljós
Póstkort frá austurlandi, Ajna og Óskar Guðjónsson
Við ætlum að taka smá tíma í að hugleiða í þætti dagsins og förum í sveimandi tónlistarferðalag með Daníel Þorsteinssyni. Hann er þekktur fyrir sitt hlutverk í hljómsveitum á borð við Sometime og Maus en síðustu ár hefur hann verið að gera tónlist undir nafninu TRPTYCH. Nýjasta plata Daníels, Ajna, er u-beygja frá teknó og elektróník fyrri platna og hann lítur inn á við með sveimandi hljóðheimi í
Suðurlandstvíæringurinn, Öldur, Hvalfjarðargöngin og villta vestrið
Ásgeir H. Ingólfsson heldur áfram að fjalla um kvikmyndirnar á Karlovy Vary kvikmyndahátíðinni.
Jóhannes Ólafsson ræðir við Atla Örvarsson og Emmu Garðarsdóttur um tónleikaferðalagið Öldur. Fyrstu tónleikarnir verða í Iðnó í kvöld.
Og svo kynnumst við Suðurlandstvíæringnum.
Túrismamótmæli í Barcelona, leikritið ÞÆR, Sigríður Pétursdóttir í Proust-leik
Við fjöllum um mótmæli íbúa Barcelona sem sagt hefur verið frá í fréttum og fáum póstkort frá Oddnýju Halldóru sem hefur búið þar í fjölda ára.
Við kíkjum ofan í gullkistu Ríkisútvarpsins og rifjum upp umfjöllun um Katalóníu frá árinu 2004, þegar Hólmfríður Matthíasdóttir var gestur þáttarins Út um græna grundu.
Í seinni hluta þáttar er Sigríður Pétursdóttir gestur okkar, sem vann lengi hjá Rí
Gervigul, álfakirkja, Karlovy Vary og Portú Galinn
Í dag fjöllum við um nýja þýðingu Ingunnar Snædal á skáldsögu sem kom út í Bandaríkjunum í fyrra eftir Rebeccu F. Kuang, Yellowface eða Gervigul.
Áróra vinnur á tjaldsvæðinu Hólaskjól í Skaftártungu. Við spjöllum við hana um álfa sem búa á svæðinu og samskipti hennar við þá.
Í seinni hluta Tengivagnsins kemur Vilhelm Neto í heimsókn og segir frá nýrri grínplötu sem hann sendi frá sér, Portú Ga
Hátíðni, Túndran og tifið á Sléttu, The Bikeriders og Nick Cave
Fjöllistahátíðin Hátíðni er haldin í sjötta sinn um helgina á Borðeyri við Hrútafjörð á Ströndum. Það verður líf og fjör í þessum lita bæ, allskyns listform fá að njóta sín og allt skipulag Hátíðni er í anda GÞS (gerum það saman). Tengivagninn hringir norður og ræðir við Kára Fjóluson Thoroddsen sem er einn fjölmargra sem á þátt í skipulaginu.
Sýningin "Túndran og tifið á Sléttu" hverfist um Melr
Gjörningarþrenna í Dölunum, Just Stop Oil og Pétur Gunnars í Proust-prófi
Gjörningarþrenna til minningar um myndlistarmanninn Hrein Friðfinnsson fer fram í Dölunum, fæðingarstað Hreins. Undir lok júní var gengin mæðuveikisganga og um næstu helgi verður opnuð sýning á verkum Hreins í félagsheimilinu Árbliki, og svo verður sveitaball í félagsheimilinu Röðul á Skarðsströnd þann 17.ágúst. Halla Harðardóttir ræðir við Ragnheiði Gestsdóttur, Sigurði Guðmundssyni og Hrafnhildi
Listasafnið á Akureyri, ægifegurð og Queer Situations
Tengivagninn í dag hringir norður á Listasafnið á Akureyri. Þar sem tvær stórar sumarsýningar opnuðu í júní. Önnur þeirra kallast Er þetta norður?, og var sett upp í tengslum við listahátíð í Reykjavík. Hin samsýningin er STRANDED – W(H)/ALE A REMAKE PORTFOLIO – MORE THAN THIS, EVEN sem samanstendur af verkum unnum í mismunandi miðla sem öll fjalla um eða tengjast hvölum á einn eða annan hátt. Hal
Upprásin, Hin íslenska litabók, Ebba Katrín og Nína Dögg
Við hefjum þennan lokþátt Tengivagnsins í grasrót tónlistarinnar sem verður hampað á tónleikaröðinni Upprás sem fram fer í Hörpu í vetur. Róshildur, Flaaryr og virgin orchestra hleypa tónleikaröðinni af stað 5. september en við tókum skipuleggjendur hátíðarinnar, þær Ásu Berglindi Hjálmarsdóttur og Ásu Dýradóttur tali.
Hin íslenska litabók er nýjasta verk myndlistarkonunnar Sísí Ingólfsdóttur þar
SUND, óskhyggja kántrísins og Plötumarkaður Óla
SUND er glænýtt íslenskt leikverk sem frumsýnt verður annað kvöld, en það er leikhópurinn Blautir búkar sem setur verkið upp á fjölum Tjarnarbíós. Leikmyndin og ein aðalpersónan, sjálf sundlaugin, er í höndum Krassasig en í henni munu leikarar og dansarar bregða sér í hlutverk sundgesta sem upplifa laugina allir á sinn hátt. Birnir Jón Sigurðsson leikstjóri og einn höfunda verksins leit við hjá
Andskotans hávaði, Listheimar og Sveinssafn
Við hefjum þáttinn á heimsókn í Hamraborgina, þar var pönk um helgina á Hamraborg Festival sem gladdi marga en angraði einhverja. Gerð voru skemmdarverk á verkinu Andskotans hávaði, kakófóníu Curvers Thoroddsen sem hann vann upp úr 8 íslenskum pönklögum.
Viktor Pétur Hannesson rekur Listheima í Súðavogi. Það er ekki bara vinnustofa heldur líka gallerí, innrömmun og verkstæði. Við lítum við hjá ho
Djazzhátíð, Karlovy Vary, Found Records, Alveg eins og alvöru
Í fyrri hluta þáttar er rætt við Helenu Margréti Jónsdóttur sem opnar sýninguna Alveg eins og alvöru í D-sal Hafnarhússins annað kvöld. Ásgeir H. Ingólfsson segir frá kvikmyndahátíðinni í Karlovy Vary og Þórður Ingi Jónsson ræðir við stofnanda Found Records í Los Angeles.
Og í síðari hluta þáttarins verður spilaður jazz því í dag hefst Djazzhátíð Reykjavíkur. Jón Ómar Árnason listrænn stjórnandi
Vilhjálmur Hjálmarsson, Karlovy Vary, Myndlistin okkar og Sævar Karl
Við byrjum á að heyra flakk Lísu Pálsdóttur og Vilhjálms Hjálmarssonar um Útvarpshúsið en Vilhjálmur, einn af þeim sem teiknaði húsið, féll frá á dögunum.
Við kíkjum líka á alþjóðlegu kvikmyndahátíðina í Karlovy Vary í Tékklandi með Ásgeiri H. Ingólfssyni og lítum á sýninguna Myndlistin okkar á Kjarvalsstöðum en almenningur fékk að velja verkin sem sett voru upp.
Í síðari hluta þáttar kemur svo S
Draugaganga, Ninna Pálmadóttir, fyrirmyndaspjall
Við hefjum leika á því að heyra af draugasögum sem tengjast miðbæ Reykjavíkur, kynnumst svo ungum og efnilegum leikstjóra, Ninnu Pálmadóttur, sem frumsýnir sína fyrstu kvikmynd í fullri lengd, Tilverur, á alþjóðlegu kvikmyndahátíðinni í Toronto í september. Í síðari hluta þáttarins koma tveir góðir gestir, rithöfundarnir Guðrún Brjánsdóttir og Kristín Eiríksdóttir í fyrirmyndaspjall. Þær ræða líf
Bergmál eilífðarinnar, Úlfur Eldjárn, Samofinn og Hellisgerði 100 ára
Í fyrri hluta þáttar förum við heimsókn á vinnustofu listamannsins Loga Marr. Undanfarin ár hefur hann látið til sín taka á tónlistarsviðinu með hljómsveitum á borð við Lily of the Valley og Shakes en 1. september opnar hann sína fyrstu myndlistarsýningu, Samofinn - dregið frá náttúrunni, þar sem náttúran er í senn myndheimur og verkfæri olíu- og prentverka Loga.
Júlía Margrét Einarsdóttir tók s
Nördatattú, Flotbolli, Níl og Freyr Sigurjónsson
Við hefjum þáttinn úti á Granda á húðflúrstofunni Valkyrie þar sem Nördaflashdagur var haldinn á sunnudaginn. Ógrynni fólks merkti sig fyrir lífstíð með sínum uppáhalds teiknimyndafígúrum og Tengivagninn tók stöðuna á flúrurum sem lifandi strigum.
Þriðja og síðasta útvarpsleikrit Melkorku Gunborgar Briansdóttur, Flotbollar, verður flutt en verkið er unnið upp úr setningum sem Melkorka hleraði í k
Sorgin, Katla, Grindr og stílisti stjarnanna
Sorgin kemur við sögu í þætti dagsins, leikarinn Richard E. Grant hefur tjáð sig opinskátt um sorgina eftir fráfall eiginkonu hans Joan Washington. Tengivagninn fór á stúfana og ræddi við Karólínu Helgu Símonardóttur, fyrrum stjórnarformann Sorgarmiðstöðvarinnar um makamissi og Richard E. Grant.
Tónlist Högna Egilssonar úr Netflix-þáttaröðinni Kötlu frá árinu 2021 kemur út á morgun og blásið verð
