Spor
Spor er íslenskur hlaðvarpsþáttur þar sem Arnhildur Hálfdánardóttir fjallar um mennskuna og leitar í hversdeginum að sannleikskornum um hver við erum í dag. Í þættinum kynnist hún alls konar fólki og spyr tilvistarspurninga um spor í nútíð, fortíð og framtíð – sporin sem við skiljum eftir okkur og sporin sem heimurinn markar í okkur. Fjallað er um tækni, vísindi, umhverfið, samtímann og söguna. Hlusta má á þáttinn í hlaðvarpi RÚV.
Episodes
Þegar búslóðin fuðrar upp
Hvers virði eru efnislegir hlutir? Afhjúpar það að missa alla búslóðina á einu bretti eitthvað um þýðinguna sem hlutir hafa fyrir okkur? Nær maður sér af slíku? Í þættinum ræðir Arnhildur Hálfdánardóttir, frétta- og dagskrárgerðarmaður, við fólk sem missti stóran hluta veraldlegra eigna sinna í stórbrunanum í Geymslum árið 2018 í þeim tilgangi að skilja betur mannlegt eðli og mikilvægi hlutanna.
